ترنول کے قریب سڑک حادثہ میں زخمی چترالی شہری کو نامعلوم افراد نے لوٹ لیا

چترال(گل حماد فاروقی) چترال کے بالائی علاقہ مستوج کا رہائشی عالم خان ولد نادر خان  سکنہ گوہکیر ضلع اپر چترال نے ہمارے نمائندے کو فون کے ذریعے ایک پیغام بھیجا ہے  کہ وہ پرسوں چترال سے اسلام آباد  کوچ میں جارہا تھا۔ ان کا کہنا ہے کہ وہ شام سات بجے چترال سے  ماروی ٹریول یوٹنگ کوچ میں بیٹھ کر  اسلام آباد جارہا تھا۔ صبح چار بجے کے قریب ترنول کے قریب ڈرائیور پر نیند کا غلبہ ہوا جس کی وجہ سے اس نے نیند کی حالت میں ڈرائیونگ کرتے ہوئے  سڑک کو چھوڑ کر جنگل میں گاڑی گرادیا۔جس کی وجہ سے عالم خان کی کمر اور ٹانگوں میں فریکچر آنے کی وجہ سے بے ہوش ہوا  اور بے ہوشی کی حالت میں کسی نے اس کے جیب سے نقد رقم، موبائیل فون، بنک ATM کارڈ  نکال کر لے گیا جبکہ گاڑی میں پڑی ہوئی میرے بیگ سے بھی سامان نکال کر لے گیا۔

انہوں نے کہا کہ میں زحمی حالت میں تھا جوہولی فیملی ہسپتال راولپنڈی میں زیر علاج ہوں اور اب میرے پاس واپسی کا کرایہ تک نہیں ہے۔ اس حادثے میں اور بھی مسافر زحمی ہوئے ہیں جو زیر علاج ہے۔ انہوں نے انسانی ہمدردی کے تحت اپیل کی ہے کہ جس نے بھی میرا  کارڈ، سامان اور میرے جیب سے نقدی رقم نکال کر لے گیا ہے براہ کرم وہ مجھے ہولی فیملی ہسپتال رولپنڈی  لاکر واپس کردے تاکہ میں اپنے گھر چترال واپس جاسکوں۔ بیڈ نمبر 15پر زیر علاج ہے۔ 03455741960 پر  رابطہ کیا جاسکتا ہے۔