کھوار غزل ۔۔ شاعر عبید فلک
غزل
بے یاد ہردیار تہ چشم مخمور نو بویان کو
ہردی مہ بےقرار تو سار خور نو بویان کو
عشقو سختخیار درد وچے غماری دی شوخسی
توؤ یادو ہارین پازو موژہ کھور نو بویان کو
اے عِشقِ نالہ کش تہ غیرتو سار سوال
مئلیسہ نازنینان کوسوم جور نو بویان کو
کھل کائیناتو وسعتان دی سف جاشومن ھیچ
مہ خوش رویو ہردیہ متین دور نو بویان کو
قالبہ ژانہ کی ہر یورین۔ لئے ناری کویان
عشقو جنونہ رقصہ ہمو ٹھور نو بویان کو
حیران اوا دی کیہ نازو ادا تو ہمنشین
تہ موختو لوڑی ہردی مہ پرنور نو بویان کو
حسرت لوڑیکو تہ وشکی گیاو ہوت ژاناری ویر
قاتلو تیغ ابدران کیا قصور نو بویان کو
تیز تیز کوسی ووری آنگیئے تو اے باد نسیم
تو لش شاریئسان برھم ہاتو پھور نو بویان کو
خالق کوریتائے تان کمالو تہ مثلہ ویریغ
تہ ساوزییاکو تہ فلک مشکور نو بویان کو
عبید فلک
